პალესტინის ჯანდაცვის სამინისტროს ცნობით, ღაზაში დაღუპულთა რიცხვი 10 000-ს აჭარბებს

პალესტინის ჯანდაცვის სამინისტრო აცხადებს, რომ ღაზის სექტორში 10 000-ზე მეტი ადამიანი დაიღუპა მას შემდეგ, რაც ისრალემა საპასუხო შეტევა დაიწყო "ჰამასზე". 

ისრაელმა "ჰამასს" ომი გამოუცხადა მას შემდეგ, რაც ისლამისტურმა მებრძოლმა ჯგუფმა 7 ოქტომბერს დაიწყო სასტიკი თავდასხმა. ისრაელში 1 400 ადამიანი დაიღუპა, გატაცებულად ითვლება 240-ზე მეტი.

ისრაელის თავდაცვის ძალებმა (IDF) ორშაბათს განაცხადეს, რომ ბოლო 24 საათის განმავლობაში დაარტყეს "ჰამასის" ასობით ობიექტს და აიღეს კონტროლი ღაზაში მდებარე სამხედრო კომპლექსზე. 

ანკლავის შიგნით, საკომუნიკაციო სერვისები ნელ-ნელა აღდგება ღაზას ზოგიერთ ნაწილში, შაბათ-კვირის გათიშვის შემდეგ. საშუალოდ, დაახლოებით 30 სატვირთო მანქანა ჰუმანიტარული დახმარებით გადის საზღვარზე ყოველდღიურად, განაცხადა პალესტინის წითელი ნახევარმთვარის საზოგადოებამ რამალაში. თუმცა, ამ დახმარებაში არ შედის საწვავი.