2023 წელს საქართველოს ექსპორტი $6 მლრდ-მდე, იმპორტი - $15.4 მილიარდამდე გაიზარდა - საქსტატი
2023 წელს საქართველოში საქონლით საგარეო სავაჭრო ბრუნვამ 21 მილიარდ 529 მილიონი დოლარი შეადგინა, რაც წინა წელთან შედარებით 12.5%-ით მეტია.
საქსტატის მიერ დღეს გამოქვეყნებული 2023 წლის საგარეო ვაჭრობის ექსპრეს მონაცემების მიხედვით, ვაჭრობაში ექსპორტი 6 მილიარდ 090 მილიონი დოლარი იყო, რაც წლიურად 9.1%-იან ზრდას ნიშნავს, იმპორტი კი 14%-ით 15 მილიარდ 438 მილიონი დოლარამდე გაიზარდა. უარყოფითმა სავაჭრო ბალანსმა 2023 წელს 9 347.8 მლნ. აშშ დოლარი შეადგინა, რაც საგარეო სავაჭრო ბრუნვის 43.4%-ია.
