გაფიცვის გამო გერმანიის აეროპორტებში 1000-ზე მეტი რეისი გაუქმდა
გერმანიის 11 აეროპორტში გაფიცვის გამო დღეს 1100 რეისი გაუქმდა. ამის შესახებ Deutsche Welle წერს.
გამოცემის ინფორმაციით, ამ გზით პროფკავშირი Ver.di აეროპორტების თანამშრომლებისთვის ხელფასების მომატების მიღწევას ცდილობს. ერთდღიანი გაფიცვა 200 ათასამდე მგზავრს დააზარალებს. მასში ჩართულია ფრანკფურტის, ჰამბურგის, ბერლინის, დიუსელდორფის, კიოლნის, შტუტგარტის, ბრემენის, ჰანოვერის, ლაიფციგის, დრეზდენისა და ერფურტის აეროპორტები.
მიუნხენისა და ნიურნბერგის აეროპორტებს გაფიცვა არ შეეხო, თუმცა იქ ზემოთჩამოთვლილი ქალაქების მიმართულებით დანიშნული რეისები გაუქმდება.
