საქართველოს ეკონომიკა 2024 წელს 5%-ით გაიზრდება - ADB
აზიის განვითარების ბანკის პროგნოზით, 2024 წელს საქართველოს ეკონომიკა 5%-ით გაიზრდება. აღსანიშნავია ისიც, რომ ADB-ი მომავალ წელს ეკონომიკის 5.5%-ით ზრდას ელოდება.
განახლებული პროგნოზით, აზიის განვითარების ბანკი საქართველოში მიმდინარე წელს ელოდება, რომ ინფლაცია 3.5% იქნება, ხოლო 2025 წელს 4%-მდე დაჩქარდება.
რაც შეეხება მეზობელ ქვეყნებს, აზიის განვითარების ბანკის პროგნოზით, სომხეთის ეკონომიკა მიმდინარე წელს 5.7%-ით გაიზრდება, ხოლო აზერბაიჯანში 1.2%-ით. 2024 წელს მეზობელ ქვეყნებში ინფლაციის პროგნოზი ასეთია: აზერბაიჯანი - 5.5%, სომხეთი 3%.
