საქართველოს ეროვნული ნაკრები FIFA-ს რეიტინგში 4 პოზიციით დაწინაურდა
ფეხბურთის ასოციაციათა საერთაშორისო ფედერაციამ (FIFA) ევროპის ჩემპიონატის შემდეგ სანაკრებო რეიტინგი განაახლა.
რეიტინგში წინსვლა აქვს საქართველოს ეროვნულ ნაკრებს, რომელიც ოთხი საფეხურით დაწინაურდა და 70 ე პოზიციაზე გადაინაცვლა.
შეგახსენებთ, საქართველოს ეროვნული ნაკრები ევროპის ჩემპიონატის მერვედფინალში გავიდა. მან ჩემპიონატზე პორტუგალია 2:0 დაამარცხა, ჩეხეთს 1:1 ეთამაშა, ხოლო თურქეთთან და ესპანეთთან, რომელიც საბოლოოდ, ამ ჩემპიონატის გამარჯვებული გახდა, წააგო.
