კარგი იქნება, რუსეთისა და საქართველოს ლეგენდების ნაკრებებმა მატჩი ჩაატარონ - არშავინი
"ბელარუსის მსგავსად, რუსეთის ფეხბურთის კავშირმა საქართველოს, ყაზახეთისა და უზბეკეთის ლეგენდების ნაკრებებთან თამაშები უნდა ჩაატაროს. დღეს ეს აქტუალურია, ასეთი თამაშები აერთიანებს ხალხებს, ინახავს ჩვენს საერთო ისტორიას. შესაძლებელია უსასრულოდ ჩაატარო სამიტები და კონფერენციები, მაგრამ რეალურად ადამიანებს ფეხბურთი აახლოებს. იმავე თბილისში ასეთი მატჩი სტადიონს გაავსებს. იქ ყოველთვის მაღალი დონე იყო. მოედანზე თუ გამოვლენ შოთა არველაძე, მალხაზ ასათიანი, გიორგი დემეტრაძე, მიხაილ აშვეთია, ლევან კობიაშვილი, გიორგი ქინქლაძე – ეს იქნება ლეგენდების ლიგის კარგი პიარი", - თქვა რუსეთის ნაკრების ყოფილმა კაპიტანმა, ანდრეი არშავინმა.
