15 წლის გოგო ტბაში დახრჩობას გადაარჩინეს - რა მოხდა დედოფლისწყაროში?

დედოფლისწყაროს ცენტრალური პარკის ხელოვნურ ტბაში მოზარდი იხრჩობოდა. ადგილობრივების ინფორმაციით, 15 წლის გოგონა, საბანაოდ მეგობრებთან ერთად იმყოფებოდა.

უგონო მდგომარეობაში მყოფი გოგონა, დედოფლისწყაროს ცენტრალურ საავადმყოფოში გადაიყვანეს, სადაც ექიმებმა მისთვის გულის ამუშავება შეძლეს. ამ დროისათვის , მოზარდი კატასტროფის სამედიცინო ბრიგადას თბილისში, ინგოროყვას სამედიცინო ცენტრში გადაჰყავს.

შინაგან საქმეთა სამინისტროს ინფორმაციით, გამოძიება მომხდარ ფაქტზე, სისხლის სამართლის კოდექსის 115- ე მუხლით დაიწყო.

დედოფლისწყაროს ცენტრალური პარკის რეაბილიტაცია 2023 წლიდან მიმდინარეობს და სამუშაოები ჯერ დასრულებული არ არის.