საქართველოს ეროვნული ნაკრები პოლონეთში იკრიბება - ვილი სანიოლის გუნდი უკრაინას დაუპირისპირდება
საქართველოს ეროვნული ნაკრები პოლონეთში იკრიბება. ვილი სანიოლის გუნდი ერთა ლიგის შეხვედრისთვის ემზადება, სადაც საქართველოს ნაკრები უკრაინას დაუპირისპირდება. მატჩი პოზნანში, 11 ოქტომბერს გაიმართება.
საქართველოს ნაკრებს, 2 ტურის შემდეგ, 6 ქულა აქვს და ჯგუფის ლიდერია. უკრაინამ 2-ვე მატჩი დათმო და, 0 ქულით, ბოლო ადგილზეა. საქართველოს ნაკრები მეორე შეხვედრას 14 ოქტომბერს, მიხეილ მესხზე, ალბანეთის წინააღმდეგ გამართავს.
