წელს, განვითარებად ქვეყნებში ცემენტზე მოთხოვნა შეიძლება კიდევ 5%-ით გაიზარდოს

წელს, განვითარებად ქვეყნებში ცემენტზე მოთხოვნა შეიძლება კიდევ 5%-ით გაიზარდოს, - ამის შესახებ თიბისი კაპიტალის მიერ მომზადებულ სამშენებლო მასალების მიმოხილვაშია აღნიშნული, რომელიც საერთაშორისო ცემენტის მიმოხილვის მონაცემებს ეყრდნობა.

„რეგიონების მიხედვით, ლათინური ამერიკა მზადაა 2.1%-იანი ზრდისთვის, მექსიკასა და ბრაზილიაში მდგრადი პირობების გათვალისწინებით, რომელიც პოტენციურად ანაზღაურებს არგენტინაში არსებულ კლებას. მოსალოდნელია, რომ აფრიკის მოხმარება 5%-ით გაიზრდება, მიუხედავად ცემენტის მაღალი ფასებისა და საპროცენტო განაკვეთების მაღალი ინფლაციის პირობებში.

ხოლო ინდოეთში მოთხოვნამ შეიძლება დაჩრდილოს მეზობელი ქვეყნების მოთხოვნა, რადგან ურბანული საბინაო სექტორი, სავარაუდოდ, ძლიერი იქნება წინასაარჩევნო ხარჯების გაზრდის შემდეგ. განვითარებადი რეგიონების დაჩქარებული ურბანიზაციის და ინფრასტრუქტურის გეგმები ხელს უწყობს მოთხოვნის გრძელვადიან ზრდას“, - აღნიშნულია თიბისი კაპიტალის მიმოხილვაში.

ამასთან, თიბისი კაპიტალი ამბობს, რომ ცემენტის საერთაშორისო მიმოხილვის თანახმად, განვითარებადი ბაზრები 2024 წელს ჯამში 1,2 მილიარდ ტონა ცემენტს მოიხმარენ, რაც 16%-ით გაზრდილი მაჩვენებელია პანდემიამდელ პერიოდთან შედარებით.