ქირის ფასი დედაქალაქის ცენტრში საშუალოდ 1 042 დოლარს აღწევს - სად უფრო ძვირი/იაფია საქართველოს მეზობელ ქვეყნებში ბინის ქირა?

Numbeo-ს 2024 წლის სტატისტიკის თანახმად, ერთ საძინებლიანი ბინის ქირის საშუალო ფასი მეზობელი ქვეყნების დედაქალაქების ცენტრალურ უბნებში ყველაზე ძვირი მოსკოვში, ხოლო ყველაზე იაფი ბაქოშია.

საქართველოს მონაცემები ასე გამოყურება: ერთ საძინებლიანი ბინის ქირაობა თბილისის ცენტრში საშუალოდ 587 დოლარი ჯდება. 3 საძინებლიანი ბინის ქირის ფასი კი დედაქალაქის ცენტრში საშუალოდ 1 042 დოლარს აღწევს.

საქართველოს მეზობელი ქვეყნების დედაქალაქების ცენტრალურ უბნებში ერთი და სამ საძინებლიანი ბინების ქირის საშუალო ფასები ასე გამოიყურება:

ერევანი - ერთ საძინებლიანი - 942 დოლარი, სამ საძინებლიანი - 1 566 დოლარი;

ბაქო - ერთ საძინებლიანი - 472 დოლარი, სამ საძინებლიანი - 936 დოლარი;

ანკარა - ერთ საძინებლიანი - 590 დოლარი, სამ საძინებლიანი - 971 დოლარი;

მოსკოვი - ერთ საძინებლიანი - 970 დოლარი, სამ საძინებლიანი - 2 028 დოლარი.