ვგმობთ თბილისსა და საქართველოს სხვა ქალაქების ქუჩებში განხორციელებულ ძალადობას! - PSP
PSP ჯგუფი საქართველოში მიმდინარე მოვლენებს ეხმაურება და სოციალურ ქსელში განცხადებას ავრცელებს.
„PSP ჯგუფი, რომელშიც დასაქმებულია 8000 ადამიანზე მეტი, სრულად წარმოადგენს სამედიცინო სფეროში მომსახურე კომპანიას.
პირველადი ჯანდაცვის ორგანიზაციები შექმნილია იმისათვის, რომ უზრუნველყოს საქართველოს მოქალაქეების ჯანმრთელობა, განურჩევლად მათი პოლიტიკური შეხედულებისა და მათი ვალდებულებაა სამედიცინო მომსახურების უწყვეტი მიწოდება მოსახლეობისთვის, რათა ჰქონდეთ წვდომა საჭირო სამედიცინო სერვისებსა და მედიკამენტებზე.
ვგმობთ თბილისსა და საქართველოს სხვა ქალაქების ქუჩებში განხორციელებულ ძალადობას!
გვსურს ჩვენი ქვეყანა იყოს ზედმიწევნით დემოკრატიული და შეუჩერებლად დაუბრუნდეს ევროკავშირში გაწევრების სამართლებრივ გზას,” - ნათქვამია PSP-ს განცხადებაში
