პატარკაციშვილის შვილმა ლონდონში 32 მილიონ ფუნტად ნაყიდი სახლი ჩრჩილის გამო დააბრუნა

მი­ლი­არ­დე­რის ქა­ლიშ­ვილ­მა, რო­მელ­მაც "ჩრჩი­ლით სავ­სე“ სა­სახ­ლე იყი­და, სა­სა­მარ­თლო დავა მო­ი­გო - წერს უცხო­უ­რი მე­დია, ბად­რი პა­ტარ­კა­ციშ­ვი­ლის ქა­ლიშ­ვილ­ზე, ია პა­ტარ­კა­ციშ­ვილ­ზე.

ბრი­ტა­ნუ­ლი "დე­ი­ლი მე­ი­ლის" მიერ გა­მოქ­ვეყ­ნე­ბულ სტა­ტი­ა­ში ვკი­თხუ­ლობთ, რომ "ია პა­ტარ­კა­ციშ­ვილ­მა მე­უღ­ლეს­თან, სტო­მა­ტო­ლოგ დოქ­ტორ ევ­გენ ჰუ­ნი­აკ­თან ერ­თად, 2019 წლის მა­ის­ში ნო­თინგ ჰილ­ში, და­სავ­ლეთ ლონ­დონ­ში მდე­ბა­რე სახ­ლი 32.5 მი­ლი­ო­ნი ფუნ­ტად იყი­და.

გამყიდველი გაერთიანებული სამეფოს ყოფილი ნიჩბოსანი და ქონების დეველოპერი, უილიამ ვუდვარდ-ფიშერი იყო, რომელმაც სახლი 2011 წელს იყიდა. პატარკაციშვილმა და ჰუნიაკმა იყიდეს შვიდოთახიანი სახლი აუზით, სადაც ასევე არის სპა, სპორტული დარბაზი, ღვინის ოთახი, ბიბლიოთეკა და კინოთეატრი. სახლში გადასვლიდან რამდენიმე დღეში მათ აღმოაჩინეს, რომ შენობაში უამრავი ჩრჩილი ბინადრობდა, რომლებმაც ტანსაცმელი და ავეჯი დააზიანეს.

წყვილმა ვუდვორდ-ფიშერს უჩივლა და გარიგების გაუქმება მოითხოვა. სასამართლომ გარიგება გააუქმა და გამყიდველს თანხის დაბრუნება დაავალა, თუმცა საწყის თანხას ქონების სარგებლობისთვის 6 მილიონი ფუნტი გამოაკლდა. გამყიდველს ასევე დაევალა ზარალის ასანაზღაურებლად დამატებით 4 მილიონი ფუნტის გადახდა.