ქართული ლოკოკინა სულ უფრო პოპულარული ხდება - რომელ ქვეყნებში გადის ექსპორტზე

საქართველოდან ლოკოკინის ექსპორტი იზრდება. აღნიშნულს მოწმობს სტატისტიკის ეროვნული სამსახურის მონაცემები.

კერძოდ, გასულ წელს საქართველოდან 1 708 020 აშშ დოლარის ღირებულების 268 ტონა ლოკოკინას ექსპორტი განხორციელდა. მაშინ როცა 2023 წელს ეს მაჩვენებელი 151 ტონა, ღირებულებით ნაწილში კი 1 299 730 აშშ დოლარი იყო.

2024 წელს საქართველოში გაზრდილი ლოკოკინა 4 ქვეყანაში გავიდა ექსპორტზე. ეს ქვეყნებია:

საფრანგეთი - 1 518 370 აშშ დოლარი (158 ტონა);

თურქეთი - 109 530 აშშ დოლარი (88 ტონა);

ნამიბია - 64 790 აშშ დოლარი (18 ტონა);

იტალია - 15 330 აშშ დოლარი (4 ტონამდე).

რაც შეეხება იმპორტს, 2024 წელს საქართველოში 89 710 აშშ დოლარის ღირებულების ლოკოკინა შემოვიდა, 2023 წელს კი 247 650 ღირებულების.