"თებერვალში, მომხმარებლებმა მეტი უნაღდო დანახარჯი გასწიეს, ვიდრე გასული წლის იმავე თვეში" - თიბისი კაპიტალი

თიბისი კაპიტალმა 2025 წლის თებერვლის მომხმარებლების დანახარჯების დინამიკა გამოაქვეყნა. დოკუმენტში წერია, აღნიშნულ პერიოდში, თიბისი ბანკის არხების მიხედვით, მომხმარებლებმა მეტი უნაღდო დანახარჯი გასწიეს და მეტი ტრანზაქცია შეასრულეს, ვიდრე გასული წლის იმავე თვეში.

კერძოდ, ჯამური უნაღდო დანახარჯები, თიბისი ბანკის არხებით, წლიურად 15%-ით, ხოლო უნაღდო ტრანზაქციების რაოდენობა 5%-ით გაიზარდა.

რაც შეეხება რეზიდენტებს და არარეზიდენტებს, მათ შორის თიბისი ბანკის არხებით, ჯამური უნაღდო დანახარჯების განაწილებამ, 86% და 14% შეადგინა.

კვლევის თანახმად ირკვევა, რომ ჯამური უნაღდო დანახარჯების უდიდესი წილი სურსათზე იხარჯება.

bm.ge