მსხვილფეხა საქონლის ექსპორტი 20-ჯერ გაიზარდა - სად გადის და რამდენად

ადგილობრივი მსხვილფეხა რქოსანი პირუტყვის ექსპორტი 20-ჯერ გაიზარდა.

2025 წლის იანვარ-თებერვალში ექსპორტზე გავიდა 3 034 ტონა ცოცხალი რქოსანი პირუტყვი, რომლის ღირებულებამაც 8.8 მილიონ დოლარს გადააჭარბა. ეს კი მაშინ, როცა 2024 წლის საანგარიშო პერიოდში 390 460 დოლარის ღირებულების 153 ტონა საქონლის ექსპორტი განხორციელდა.

ექსპორტის მოცულობის ზრდის პარალელურად, გაზრდილია ღირებულებაც. კერძოდ, შარშან 1 კგ-ის საშუალო საექსპორტო ფასი გადასახადების გარეშე 2.54 დოლარი იყო, წელს საანგარიშო პერიოდში კი 2.9 დოლარამდე გაძვირდა. მონაცემები აჩვენებს, რომ ფასი 14%-ით არის გაზრდილი.

აღსანიშნავია ისიც, რომ ადგილობრივი საქონლის უდიდესი ნაწილის, 90%-ის ექსპორტი ერაყში, დარჩენილის კი აზერბაიჯანში ხორციელდება.

უფრო კონკრეტულად, საქსტატის მონაცემებით, 2025 წლის იანვარ-თებერვალში საექსპორტო ბაზრებზე გაყვანილი საქონლის მოცულობა ასე გამოიყურებოდა:

ერაყი - 8.18 მილიონი დოლარის 2 729 ტონა;

აზერბაიჯანი - 631 ათასი დოლარის 304 ტონა.

წყარო