როგორ შევარჩიოთ ოთახისთვის შესაფერისი ფარდა?
ფარდა ინტერიერში მხოლოდ დეკორატიული ელემენტი არ არის – ის უზრუნველყოფს კომფორტს და აწესრიგებს სინათლის ნაკადს. სწორი ფარდის შერჩევა დამოკიდებულია ოთახის ფუნქციაზე, განათებაზე, დიზაინის სტილზე და სხვა დეტალებზე.
1. ფარდის შერჩევამდე დაფიქრდი, რა ფუნქცია ექნება მას:
• სინათლის ბლოკირება – საძინებელში და ოთახის მზიან მხარეს გამოიყენეთ ცივი ტონალობის მქონე სქელი ქსოვილი ან ორმაგი ფარდები(ბლექაუთი), შედარებით ბნელ ნაწილს კი, თბილი ტონისა და ღია ფერის, თხელი, გამჭვირვალე ტექსტილის ფარდები დაამშვენებს.
• დეკორატიული მიზანი – თუ მხოლოდ სილამაზისთვის გინდა, შეგიძლიათ მსუბუქი, გამჭვირვალე ფარდები აირჩიო.
• ტემპერატურის რეგულირება – მძიმე ფარდები ზამთარში სითბოს ინარჩუნებს, ზაფხულში კი სიგრილეს.
2. გაითვალისწინე ოთახის ტიპი
• საძინებელი – უპირატესობა მიანიჭე მუქ და სქელ ფარდებს, რომ ღამე მშვიდად დაიძინოთ.
• მისაღები ოთახი – აქ შეიძლება ნათელი ფერის, მსუბუქი ფარდა გამოიყენო, რომელიც ოთახს ჰაეროვნებას შემატებს.
• სამზარეულო – აქ შესაფერისია მარტივად მოსავლელი, მსუბუქი და მოკლე ფარდები, რადგან ხშირად ჭუჭყიანდება.
• საბავშვო ოთახი – შეარჩიე ფერადი, მხიარული პრინტებით და უსაფრთხო მასალით დამზადებული ფარდები.
3. სტილისა და ფერის შერჩევა
• ფარდა უნდა ეხამებოდეს ოთახის საერთო დიზაინს – თანამედროვე, კლასიკური თუ მინიმალისტური სტილი.
• ფერის შერჩევისას გაითვალისწინეთ კედლების, ავეჯისა და ქსოვილის ფერები.
• ნეიტრალური ფერები უფრო უნივერსალურია, მუქი ტონები – მყუდროებას ქმნის, ხოლო ნათელი ფერები – სივრცეს აძლევს მოცულობას.
4. ზომა და სიგრძე
• ფარდის სიგრძე დამოკიდებულია ოთახის სიმაღლეზე და მფლობელის გემოვნებაზე. არსებობს რამდენიმე ვარიანტი:
ფარდები იატაკს 2-4 სმ-ით უნდა სცილდებოდეს ან ეხებოდეს მას.
იატაკამდე დაშვებული ფარდები – კლასიკური და ელეგანტური იერსახისთვის.
ფანჯრის სიგრძის –მოსახერხებელია სამზარეულოსა და სამუშაო ზონებისთვის.
ფარდების შერჩევისას გასათვალისწინებელია ოთახის მახასიათებლები: ზომა, ბუნებრივი განათება, ჭერის სიმაღლე.. პატარა ოთახს არ უხდება გრძელი, მძიმე ფარდები. ისინი ვიზუალურად კიდევ უფრო ამცირებს სივრცეს. უმჯობესია, შეიძინოთ ფარდა-ჟალუზები ან რომაული ფარდები.
