როგორ მოვაწყოთ აივანი, ტერასა: კომფორტი ქალაქის ხმაურში

თბილისის ხმაურიანი დღეები, მანქანების სიგნალები, ქუჩის ცხოვრების მარადიული მოძრაობა ეს ჩვენი ყოველდღიურობაა. მაგრამ სწორედ ამ ქაოსში არსებობს პატარა სივრცე, სადაც შეგიძლია სულის მოთქმა, ჭიქა ყავა და სიმწვანეში გახვეული სიმშვიდე ეს შენი აივანი ან ტერასაა. აივანი არ არის მხოლოდ ადგილი სარეცხის გასაშრობად ან ცოცხების დასადებად ის შეიძლება გადაიქცეს შენს პირად ოაზისად ხმაურიან ქალაქში.  აი, როგორ:

1. მწვანე საფარი შენი ბუნებრივი ბარიერი ქალაქის ხმაურისგან თავის დასაღწევად პირველივე ნაბიჯი ბუნებაა 

• გამოიყენე გადმოსაფარებელი მცენარეები (დეკორატიული ვაზები, პასიფლორა, იასამანი ან მარდი ბუჩქები);
• ვერტიკალური ბაღი იდეალურია პატარა აივნებისთვის კედელზე ჩამოკიდებული ყვავილები და მწვანე ფარდა ხმაურს და მზესაც აფარებს;
• ქოთნები სხვადასხვა სიმაღლეზე ქმნის ბუნებრივ სიღრმეს და კომპოზიციას.

 2. ავეჯი მცირე ზომით, დიდი კომფორტით აივნებისთვის არ არის საჭირო დიდი ავეჯი მთავარია, მრავალფუნქციური და მორგებული სივრცეზე.

• დაკეცვადი სკამები და მაგიდა;
• რბილი ბალიშები და პუფები;
• ფიცრული იატაკი ან ხელოვნური ბალახი - სიმყუდროვისთვის.

3. აუდიოზონა - ქალაქის ხმაურის გაფილტვრა, ზოგჯერ სიმშიდე ნიშნავს მუსიკას სწორად შერჩეულს.

• აივანზე ჩამონტაჟებული პატარა Bluetooth დინამიკს შეუძლია შენს განწყობაზე მორგებული აურა შექმნას;
• მელოდია + მცენარეების შრიალი = თერაპია ხმაურიან ფონზე.

აივანი ან ტერასა - ეს შენს ხელშია. ხმაურიანი ქალაქის შუაგულში შეგიძლია შექმნა სივრცე, სადაც დრო შენთვის ჩერდება. სწორად შერჩეული მცენარეებით, განათებით, უბრალო ავეჯითა და გულისხმიერი დეტალებით ყველაზე პატარა აივანი შეიძლება გახდეს ყველაზე დიდი შთაგონების წყარო.