ინტერიერის გზამკვლევი მშობლებისთვის - სივრცე, რომელიც ორივეს უყვარს

ბავშვის დაბადებას ბედნიერებასთან ერთად მოაქვს ქაოსი - ფერადი სათამაშოები, ჭიქები, მაგიდები, სტიკერები კედელზე... და ერთ დღეს ხვდები, რომ შენი მინიმალისტური ინტერიერი პატარა სათამაშოების მუზეუმს ჰგავს. იცვლება არა მხოლოდ ავეჯი, არამედ პერსპექტივაც: ხედავ იატაკს სულ სხვა სიმაღლიდან, აღმოაჩენ ახალ საფრთხეებს და ყურადღებას აქცევ იმ დეტალებს, რომელთა არსებობაც ადრე არც კი გაგხსენებია. მშობლობა არ უნდა ნიშნავდეს სტილის დათმობას.

არა მხოლოდ ფერადი, არამედ თბილი და დაბალანსებული ფერებით შეგიძლიათ შექმნათ სივრცე, რომელიც ბავშვისთვის მეგობრულია და შენთვისაც ესთეტიკური.

✅ ნეიტრალური ფონი + პასტელური აქცენტები;

✅ სათამაშოების შენახვის ყუთები ისეთ ფერებში, რომლებიც შენს ინტერიერში ჯდება;

✅ იატაკზე ხალიჩა, რომელიც რბილია, მაგრამ თან ვიზუალურად არ „კივის“.

შეიძლება სახლში ბავშვია, მაგრამ ეს შენს კომფორტზე უარის თქმას არ ნიშნავს. შეარჩიე კუთხე ერთი სავარძელი, რბილი განათება, კედელზე პატარა თარო, სადაც შენს წიგნებს და ყავის ფინჯანს ყოველთვის ადგილი ექნება. ეს არის შენი "ჩუმი თავშესაფარი" პატარა ადგილი, დიდი სულიერი ეფექტით. 

როცა ინტერიერს გონივრულად დაგეგმავ, ბავშვთან ერთად ცხოვრება აღარ იქნება ყოველდღიური ქაოსი. შენ შეძლებ შენარჩუნებას - როგორც წესრიგის, ისე ესთეტიკის. საჭიროა მხოლოდ სწორად შერჩეული ნივთები, სტრუქტურა და შენი სურვილი, რომ სახლი ორივესთვის იყოს სიმშვიდის და ჰარმონიის ადგილი.