როგორ შევინარჩუნოთ სისუფთავის არომატი საცხოვრებელ სივრცეში? - რჩევები

ოდესმე დაფიქრებულხართ, რამდენად დიდ გავლენას ახდენს სურნელი ჩვენს შეგრძნებებსა და ემოციებზე? ხშირად სწორედ სუნი ქმნის იმ პირველ შთაბეჭდილებას, რაც სტუმარს სახლში შესვლისთანავე უჩნდება

როგორ შევინარჩუნოთ ეს სისუფთავის "ხასიათი", რომ ოთახში შესვლისას გვეგონოს, თითქოს ახლახან დაასუფთავეს?

1.რეგულარული განიავება ყველაზე მარტივი, თუმცა ხშირად უგულებელყოფილი ჩვევაა. დღეში 10-15 წუთი ღია ფანჯარა საკმარისია, რომ ჩარჩენილი და მძიმე ჰაერი ახალი ჟანგბადით ჩანაცვლდეს. ზამთარშიც კი, მოკლე ინტერვალით გახსნა ფანჯარა ამცირებს ტენს და თავიდან გვარიდებს უსიამოვნო სუნს.

2.ხალიჩები, ფარდები, ბალიშები და რბილი ავეჯი – ყველაფერი, რაც ქსოვილია, დროთა განმავლობაში იწოვს ჰაერში დაგროვებულ სუნს. მათი პერიოდული რეცხვა ან ქიმწმენდაში მიტანა არა მხოლოდ ვიზუალურ სისუფთავეს უზრუნველყოფს, არამედ არომატის განახლებასაც.

3.მცენარეების არომატი ბუნებრივად ასუფთავებს სივრცეს. შეგიძლიათ ჩადოთ ისინი კარადაში ან გამოიყენოთ ეთერზეთების დიფუზერები. ეს არა მხოლოდ სასიამოვნო სურნელს შექმნის, არამედ მოდუნების ეფექტსაც მოგცემთ.

4.არომატული სანთლები და დიფუზერები ეფექტური ინსტრუმენტებია, თუ სწორად შეირჩევა. უმჯობესია, აირჩიოთ ნატურალური სურნელი – ისეთი, რომელიც არ არის დამღლელი და მკვეთრი. მცირე ოთახში ძლიერი არომატი შეიძლება დამღლელი გახდეს და პირიქით იმოქმედოს – ამიტომ შეარჩიეთ ზომის შესაბამისი ინტენსივობა.

5.სამზარეულოში დაგროვილი ნარჩენები ან მაცივარში დაგვიწყებული პროდუქტი – ხშირად სწორედ აქედან იწყება უსიამოვნო სუნი. ნარჩენების ყოველდღიური გამოტანა და რეგულარული წმენდა (მაგალითად, სოდით ან ძმრით) მნიშვნელოვანია. 

6.სარეცხი ფხვნილი, იატაკის საწმენდი ან სპრეი — ყველაფერი, რასაც სახლში ვიყენებთ, ტოვებს სუნს. უმჯობესია შეარჩიოთ ის საშუალებები, რომლებიც ნეიტრალური სისუფთავის სურნელს ტოვებს და დიდხანს ძლებს ტექსტილზე, თუმცა არ არის ზედმეტად მძაფრი.

სისუფთავის სუნი არ არის უბრალოდ არომატი. ის წარმოადგენს შინაგან სიმშვიდეს და ცხოვრების ხარისხს. გარემოს, რომელშიც თავს მშვიდად და კომფორტულად ვგრძნობთ. დღევანდელ სწრაფ და ხმაურიან რეალობაში, ეს თითქოს უმნიშვნელო დეტალი — სინამდვილეში მყუდრო სახლის ერთ-ერთი მთავარი კომპონენტია. დაიწყე პატარა ნაბიჯებით — ვენტილაციით, ნატურალური სურნელებით — და შენი სახლი ყოველთვის დაგხვდება სუფთა.