საქართველოში განხორციელებული პირდაპირი უცხოური ინვესტიციების 72% თბილისზე მოდის
საქართველოში განხორციელებული პირდაპირი უცხოური ინვესტიციების 72% თბილისზე მოდის. საქსტატის წინასწარი მონაცემებით, 2025 წლის პირველ კვარტალში ქვეყანაში სულ 179.4 მლნ დოლარის ინვესტიცია შემოვიდა, აქედან 130.234 მლნ დოლარის თბილისში.
FDI-ის მიხედვით მეორე ადგილზეა მცხეთა-მთიანეთი, მესამე ადგილზე კი აჭარა.
გთავაზობთ 5 რეგიონს, სადაც 2025 წლის პირველ კვარტალში ყველაზე მეტი პირდაპირი უცხოური ინვესტიცია შემოვიდა:
- თბილისი - 130.234 მლნ დოლარი
- მცხეთა-მთიანეთი - 17.707 მლნ დოლარი
- აჭარა - 14.159 მლნ დოლარი
- სამცხე-ჯავახეთი - 12.991 მლნ დოლარი
- სამეგრელო-ზემო სვანეთი - 7.741 მლნ დოლარი
ცნობისათვის, საქსტატის წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2025 წლის I კვარტალში 179.4 მლნ. აშშ დოლარი შეადგინა, რაც 2024 წლის I კვარტლის წინასწარ მონაცემებზე 7.7 პროცენტით ნაკლებია. კლება განპირობებულია სააქციო კაპიტალის და სავალო ვალდებულებების მაჩვენებლის შემცირებით. 2025 წლის I კვარტალში სააქციო კაპიტალმა 62.1 მლნ. აშშ დოლარი შეადგინა, რაც მთლიანი პირდაპირი უცხოური ინვესტიციების 34.6 პროცენტია. რეინვესტიციამ 150.0 მლნ. აშშ დოლარი შეადგინა და მისი წილი 83.6 პროცენტით განისაზღვრა.
