ჩასაშენებელი თუ ცალკე მდგომი მაცივარი? - რჩევები Kuppersberg-ისგან

წლების წინ მაცივრის შერჩევა შედარებით მარტივი ამოცანა იყო, რომელიც ძირითადად ზომისა და ფერის განსაზღვრას მოიცავდა. დღეს კი არჩევანს, ერთი მხრივ, ფუნქციების მრავალფეროვნება, მეორე მხრივ კი მოწყობილობის ტიპები ართულებს.

დღეს ბაზარი ძირითადად ორ ტიპს გვთავაზობს: ცალკე მდგომ და ჩასაშენებელ მაცივრებს. მათი ფუნდამენტური განსხვავება მონტაჟის პრინციპშია: ერთი დამოუკიდებელი ტექნიკაა, რომლის გადაადგილებაც თავისუფლად შეგიძლიათ, მეორე კი — ავეჯის განუყოფელი ნაწილი ხდება და წინასწარ დაგეგმვას საჭიროებს.

იმისთვის, რომ სწორი არჩევანი გააკეთოთ, სამზარეულოს ტექნიკის ბრენდის, Kuppersberg-ის, წარმომადგენლები ორივე ტიპის მახასიათებლებსა და უპირატესობებზე გიყვებათ.

ჩასაშენებელი მაცივარი

ჩასაშენებელი მაცივრის მთავარი დანიშნულება სამზარეულოში ერთიანი, მინიმალისტური დიზაინის შექმნაა. ის სრულად ინტეგრირდება ავეჯში და სამზარეულოს ფასადის მიღმა იმალება, რის შედეგადაც ინტერიერი უფრო მოწესრიგებულ და ვიზუალურად ერთიან იერსახეს იღებს.

ასეთი დიზაინის მისაღწევად, აუცილებელია მაცივრის შერჩევა სამზარეულოს დაპროექტების ეტაპზევე, რადგან სამზარეულოს კარადა, რომელშიც მაცივარი თავსდება, კონკრეტული მოდელის ზუსტ ზომებზე, სავენტილაციო არხებსა და კარის მიმაგრების მექანიზმზე უნდა იყოს მორგებული.

თანამედროვე მაცივრები ისედაც დაბალი ხმაურის დონით ხასიათდება, თუმცა ჩასაშენებელი მოდელების შემთხვევაში ეს უპირატესობა კიდევ უფრო თვალშისაცემია. საქმე იმაშია, რომ ავეჯის პანელები დამატებით ახშობს ხმას, რის შედეგადაც მოწყობილობის მუშაობას თითქმის შეუმჩნეველია.

არ იფიქროთ, რომ დახვეწილი ვიზუალის გამო ფუნქციონალურობაზე კომპრომისი მოგიწევთ. Kuppersberg-ის მოდელებში შიდა სივრცე მოსახერხებელი თაროებით ოპტიმალურადაა ათვისებული, ხოლო მართვა - ინტუიციური და მარტივია. ამასთან, მაღალი ენერგოეფექტურობა და დაბალი ხმაურის დონე დამატებით კომფორტს ქმნის.

ცალკე მდგომი მაცივარი

ცალკე მდგომი მაცივრის მთავარი უპირატესობა მისი პრაქტიკულობა და მოქნილობაა. თქვენ არ ხართ შეზღუდული ავეჯის დაგეგმარებით და შეგიძლიათ, საჭიროების შემთხვევაში, მაცივარი ნებისმიერ დროს გადააადგილოთ. მისი მონტაჟი, როგორც წესი, ხელოსნის ჩარევას არ საჭიროებს, რაც პროცესს ამარტივებს.

ამას ემატება ფინანსური სარგებელიც. ცალკე მდგომი მაცივარი, როგორც წესი, უფრო ხელმისაწვდომია. მეტიც, იმავე თანხით, რასაც ჩასაშენებელ მოდელში გადაიხდიდით, შეგიძლიათ გაცილებით დიდი და ტევადი ცალკე მდგომი მოდელი შეიძინოთ. ეს განსაკუთრებით მოსახერხებელია დიდი ოჯახებისთვის, ვისთვისაც მოცულობა მნიშვნელოვანია.

ამ პრაქტიკულ უპირატესობებთან ერთად, აუცილებელია დიზაინის საკითხის განხილვაც. გავრცელებული მოსაზრება, რომ ცალკე მდგომი მაცივარი სამზარეულოს ერთიან სტილს არღვევს, თანამედროვე მოდელების შემთხვევაში მცდარია. Kuppersberg- ის კოლექცია ამის კარგი მაგალითია — უჟანგავი ფოლადის დახვეწილი ზედაპირი თუ სხვადასხვა ფერის საფარი, საშუალებას გაძლევთ, მაცივარი შეუხამოთ ინტერიერს ან, პირიქით, გამორჩეულ დეტალად აქციოთ ის.

რომელია თქვენთვის საუკეთესო არჩევანი?

ამ შეკითხვაზე ცალსახა პასუხის გაცემა ძალიან რთულია. არჩევანი ცალკე მდგომსა და ჩასაშენებელ მაცივარს შორის თქვენს პრიორიტეტებზეა დამოკიდებული. თუ თქვენთვის მთავარია მოქნილობა, მაქსიმალური ტევადობა და ხელმისაწვდომი ფასი, მაშინ ცალკე მდგომი მოდელი თქვენი არჩევანია. ხოლო თუ უპირატესობას ანიჭებთ სამზარეულოს ერთიან, მინიმალისტურ დიზაინს, სადაც ტექნიკა შეუმჩნეველია, მაშინ საუკეთესო გადაწყვეტილება ჩასაშენებელი მაცივარი იქნება.

მთავარია გახსოვდეთ, რომ Kuppersberg-თან ერთად, ნებისმიერ შემთხვევაში თქვენ იღებთ გერმანულ ხარისხს, საიმედოობასა და კომფორტს.

გაეცანით Kuppersberg-ის მაცივრების სრულ კოლექციას ვებგვერდზე, ან ესტუმრეთ შოურუმებს, სადაც პროფესიონალურ რჩევებს მიიღებთ.