შეკვეთილი - ზღვისპირა სიმშვიდე, რომელიც ინვესტიციად ღირს

როდესაც ზღვისპირა დასვენებაზე ვფიქრობთ, პირველი ასოციაცია უმეტესად ბათუმია. თუმცა, ბოლო წლებში ინტერესი სულ უფრო მეტად გადადის შეკვეთილისკენ - და ეს არ არის შემთხვევითი. შეკვეთილი ნამდვილად განსხვავდება: აქ შეხვდებით სუფთა ზღვის წყალს, უნიკალურ სამკურნალო ქვიშას, უხვ სიმწვანესა და გულწრფელ სიმშვიდეს - იმ ყველაფერს, რაც დღეს ბათუმში უკვე იშვიათობა ხდება.

შეკვეთილი გვთავაზობს იმას, რაც ბათუმმა თანდათან დაკარგა: სისუფთავე, ეკოლოგიური წონასწორობა, ბუნებრივი გარემო და ჯანმრთელობის აღდგენის შესაძლებლობა. მისი მთავარი განძი - მაგნიტური, სამკურნალო ქვიშით დაფარული პლაჟი, ცნობილია ნერვული, სახსროვანი და კუნთოვანი სისტემების სამკურნალო თვისებებით. ეს ადგილი უკვე დიდი ხანია იმსახურებს განსაკუთრებულ ყურადღებას მათგან, ვინც ზრუნავს როგორც საკუთარ ჯანმრთელობაზე, ისე ცხოვრების ხარისხზე.

ამ ყველაფერს ემატება შეკვეთილის დენდროლოგიური პარკი - 60 ჰექტარზე გადაჭიმული მწვანე სივრცე, რომელიც ქმნის უნიკალურ მიკროკლიმატს, აუმჯობესებს ჰაერის ხარისხს და ამცირებს სიცხის ინტენსივობას. ასეთ ეკოსისტემას ზღვისპირა დასვენების ეფექტი კიდევ უფრო ღრმად შეაქვს ყოველდღიურობაში. პარალელურად კი, ბათუმში მწვანე სივრცეები წლიდან წლამდე იკლებს და ადგილი ეთმობა მჭიდრო განაშენიანებასა და სამშენებლო ბუმს.

ბოლო წლების განმავლობაში შეკვეთილში უძრავი ქონების ბაზარი სწრაფად ვითარდება. მზარდი მოთხოვნა თან სდევს მიწის ნაკვეთების, აპარტამენტებისა და სახლების ღირებულების სტაბილურ ზრდას. თუმცა, განსხვავებით ბათუმისგან, აქ ჯერ კიდევ შესაძლებელია შეძენა შედარებით ხელმისაწვდომ ფასად — რაც შეკვეთილს მაღალი საინვესტიციო პოტენციალის მქონე მიმართულებად აქცევს.

რატომ არის შეკვეთილი მომგებიანი ინვესტიციისთვის?

• ფასების მზარდი ტენდენცია – უძრავი ქონების ღირებულება წლიდან წლამდე მატულობს. დღეს შეძენილი ქონება ხვალ ბევრად მეტი ეღირება;
• დაბალი კონკურენცია – ბათუმთან შედარებით შეთავაზებების ნაკლებობა ზრდის ფასების მატების შანსს და ქმნის უნიკალურ პოზიციას ბაზარზე;
• სტრატეგიული მდებარეობა – შეკვეთილი მდებარეობს ბათუმსა და ოზურგეთს შორის, რაც მას რეგიონული კავშირის თვალსაზრისით კიდევ უფრო პრიორიტეტულს ხდის;
• დასვენება და შემოსავალი ერთდროულად – შეძენილი ქონება შეგიძლიათ გამოიყენოთ როგორც პირადი რეზიდენცია, ასევე გასაქირავებლად - რაც დამატებითი შემოსავლის წყაროა სეზონურად და მის ფარგლებს გარეთაც;
• ინფრასტრუქტურის განვითარების პერსპექტივა – სახელმწიფოსა და ბიზნესის მხრიდან რეგიონის სტრატეგიული განვითარება უზრუნველყოფს მოთხოვნის მდგრად ზრდას.

ორივე ქალაქი პოპულარულია მათთვის, ვისაც ზღვასთან ახლოს ცხოვრება სურს, მაგრამ განსხვავება ფუნდამენტურია. ბათუმის ურბანული გარემო გადატვირთულია — ხმაურიანი ტრეფიკი, მჭიდრო განაშენიანება და მზარდი ეკოლოგიური პრობლემები სულ უფრო ართულებს ქალაქში მშვიდად ცხოვრებას. ამის ფონზე, შეკვეთილი იქცევა ალტერნატიულ ცენტრად მათთვის, ვინც ეძებს ბუნებასთან სიწყნარესა და ჯანმრთელ გარემოს.