რა საფრთხეს ქმნის ნესტი შენობისა და ბინისთვის?
ნესტი ერთ-ერთი ყველაზე გავრცელებული და პრობლემური გარემო ფაქტორია საცხოვრებელ და სამუშაო სივრცეებში. მისი არსებობა არამარტო საცხოვრებელი კომფორტის დაქვეითებას, არამედ სერიოზულ ზიანს იწვევს როგორც შენობის კონსტრუქციაში, ისე ადამიანის ჯანმრთელობაზეც.
რა იწვევს ნესტს?
ნესტის წარმოქმნის მთავარი მიზეზებია:
- შენობის არასათანადო ჰიდროიზოლაცია;
- ცუდად განიავებადი სველი წერტილები;
- წყლის გაჟონვა ღიობებიდან ან მილებიდან:
- კედლების კონდენსაცია;
- ტემპერატურის მკვეთრი ცვლილებები;
- მაღალი ჰაერის ტენიანობა.
საქართველოში, განსაკუთრებით დასავლეთ და ნოტიო რეგიონებში, ნესტის პრობლემა საკმაოდ გავრცელებულია, თუმცა არც თბილისში ან სხვა ქალაქებშია იშვიათი. ხშირია შემთხვევები, როდესაც ახალაშენებულ ბინებში ბინადრებმა უკვე პირველივე წელიწადში დაიწყეს ნესტისა და სოკოს წინააღმდეგ ბრძოლა.
რა ზიანს აყენებს ნესტი?
შენობის კონსტრუქციას:
ნესტი აზიანებს კედლების შიდა და გარე საფარს, შლის საღებავს, აფხვიერებს ბათქაშს, იწვევს ბზარებს. დროთა განმავლობაში, თუ წყლის შეღწევა გრძელდება, კედლის კონსტრუქციაც სუსტდება.
ჯანმრთელობას:
ნესტიანი გარემო იდეალური პირობებია ობისა და სოკოს გავრცელებისთვის. მათი სპორები შესაძლოა გამოიწვიოს:
- ალერგიული რეაქციები;
- სუნთქვის გაძნელება;
- ასთმური შეტევები;
- კანის გაღიზიანება;
- განსაკუთრებით მოწყვლადები არიან ბავშვები, ხანდაზმულები და სუსტი იმუნური სისტემის მქონე ადამიანები.
როგორ ვებრძოლოთ ნესტს?
- ყოველდღიური ვენტილაცია / განიავება;
- ჰიდროიზოლაცია;
- ტენიანობის საწინააღმდეგო მოწყობილობები (მაგ. დეჰიუმიდიფიკატორი);
- თბოიზოლაცია;
- ობისა და სოკოს მოცილება.
ახალი კორპუსში ბინის შეძენისას ყურადღება მიაქციეთ დეველოპერი თუ ითვალისწინებს თავის პროექტში ამ ზომებს, რათა დაზღვეული იყოთ.
როგორ ავიცილოთ თავიდან?
- არ გადაატვირთოთ კედლები ავეჯით - სივრცეს უნდა ჰქონდეს „სუნთქვის“ საშუალება;
- მოერიდეთ ტანსაცმლის შიგნით გაშრობას;
- რეგულარულად შეამოწმეთ მილები და ონკანები გაჟონვისთვის;
- შეამცირეთ აბაზანაში ორთქლის დაგროვება - გამოიყენეთ ეგრეთ წოდებული “ექსტრაქტორები”.
