უპროცენტო შიდა განვადება – მარტივი გზა ბინის შეძენისკენ

ბინის შეძენა ცხოვრების ერთ-ერთი ყველაზე მნიშვნელოვანი ნაბიჯია. მას თან ახლავს ფინანსური გათვლები, ემოციური მოლოდინები და სურვილი, ყველაფერი მარტივად და რაც შეიძლება სწრაფად მოგვარდეს. სწორედ ამიტომ სულ უფრო მეტი მყიდველი ირჩევს შიდა უპროცენტო განვადებას დეველოპერული კომპანიისგან – ეს არამხოლოდ ეკონომიურად გამართლებული, არამედ მოქნილი და მოსახერხებელი გზაცაა.

რატომ არის შიდა უპროცენტო განვადება უკეთესი არჩევანი?

• შიდა განვადების დროს, განსხვავებით საბანკო სესხისა, არანაირი ზედმეტი პროცენტი, საკომისიო ან სხვა შეფარული გადასახადი არ არსებობს. იხდით მხოლოდ იმ თანხას, რაც ბინის რეალური ღირებულებაა. საბოლოოდ, ეს ნიშნავს სერიოზულ ეკონომიას – ზოგჯერ ათასობით ლარს ზოგავთ მხოლოდ იმით, რომ არ დაფინანსდით ბანკიდან;
• დეველოპერული კომპანიები, როგორც წესი, მყიდველთან უშუალოდ თანხმდებიან გადახდის პირობებზე. ეს ნიშნავს, რომ შეგიძლიათ გადახდები დაგეგმოთ თვიურად, კვარტალურად ან წლიურადაც კი, თქვენი შემოსავლებისა და ბიუჯეტის მიხედვით. არავის არ აინტერესებს თქვენს შემოსავალზე გაცემული ცნობა – თქვენ და დეველოპერი უბრალოდ შეთანხმდებით;
• შიდა განვადებით ბინის შეძენა ნიშნავს, რომ არ გიწევთ ბანკის ბიუროკრატიული კიბეების ავლა. არ არის საჭირო არც საკრედიტო ისტორიის სრულად გადამოწმება, არც დამტკიცების პროცედურების გავლა, არც რთული საბუთების შეგროვება. პროცესი ბევრად მარტივი და სწრაფია – იშვიათად თუ გაგრძელდება რამდენიმე დღეზე მეტად;
• ბანკის ნაცვლად პირდაპირ დეველოპერთან მოლაპარაკება ნიშნავს იმას, რომ უფრო მოქნილები არიან ინდივიდუალურ პირობებში. ხშირად გაძლევენ ბონუსს ან აქციაში ჩაგრთავენ – იქნება ეს ფასდაკლება, ბინის გეგმარების კორექტირება ან სხვა დამატებითი სარგებელი.

ვისთვის არის ეს ვარიანტი საუკეთესო?

შიდა უპროცენტო განვადება იდეალურია:

• მათთვის, ვისაც დაბრკოლებები აქვს საბანკო სესხის მიღებაში – მაგალითად, არა აქვს ოფიციალური შემოსავალი ან საკრედიტო ისტორია;
• ადამიანებისთვის, რომლებიც აფასებენ გამჭვირვალობას – არ სურთ ზედმეტი ხარჯები და გაურკვეველი პირობები;
• მყიდველებისთვის, ვინც ეძებს მოქნილ და მორგებულ შეთანხმებას – არა ერთიან სტანდარტს, არამედ ადამიანურ დამოკიდებულებას.

შიდა უპროცენტო განვადებით ბინის შეძენა მარტივი და სტაბილური გზაა ახალი ცხოვრების დასაწყებად. როცა იცი, რომ პროცენტში ფული არ გეკარგება, პირობები შენზეა მორგებული და გადაწყვეტილებებს უშუალოდ შენს ინტერესებზე ორიენტირებული კომპანია იღებს - არჩევანი მარტივია. დაიწყე ცხოვრება შენს ბინაში  უპროცენტოდ, ზედმეტი ტვირთის გარეშე.