გაქირავება თუ გაყიდვა - რომელი უფრო მომგებიანია 2025 წელს?

2025 წელს თბილისის უძრავი ქონების ბაზარი კვლავ აქტიურად ვითარდება. მფლობელები დგანან მთავარი არჩევანის წინაშე: გააქირავონ ბინა და მიიღონ სტაბილური შემოსავალი, თუ გაყიდონ და ერთჯერადად მიიღონ მნიშვნელოვანი თანხა. ორივე შემთხვევაში არსებობს როგორც სარგებელი, ასევე რისკები, და გადაწყვეტილება ხშირად დამოკიდებულია ლოკაციაზე, საკუთრების ტიპზე და ბაზრის ტენდენციებზე.

გაქირავების პერსპექტივა:

ბოლო წლების განმავლობაში, გაქირავება ერთ-ერთ ყველაზე მოთხოვნად მიმართულებად იქცა.

• 2025 წლის პირველ კვარტალში, თბილისში საშუალო წლიური გაქირავების სარგებელი 7.8%-ია.
• ზოგიერთ უბანში, მაგალითად გლდანში, სარგებელი 8.4%-საც აღწევს.
• საშუალო ROI რჩება 7-9%-ის ფარგლებში.
• 2022 წლის პიკის შემდეგ გაქირავების ფასები 2024-ში მცირედით შემცირდა, თუმცა 2025 წელს მოსალოდნელია სტაბილიზაცია - $9–10/მ² ფარგლებში.

გარდა ამისა, მოკლევადიანი გაქირავება (Airbnb, Booking და სხვა პლატფორმები) ხშირად უფრო მაღალი სარგებლის მომტანია, თუმცა მოითხოვს მეტ დროს, მენეჯმენტსა და ჩართულობას.

გაყიდვის შესაძლებლობები:

თუ თქვენი მიზანია ერთჯერადი დიდი შემოსავალი, გაყიდვა შეიძლება უფრო მომგებიანი აღმოჩნდეს.

• 2025 წლის აპრილში თბილისში 3200-ზე მეტი ბინა გაიყიდა - ეს მაჩვენებელი წინა წელთან შედარებით გაზრდილია;
• გასულ წელს უძრავი ქონების ფასებმა 11.6%-ით მოიმატა, რაც ბაზრის სიმტკიცეზე მიუთითებს;
• ამჟამად თბილისში 1 კვ.მ-ის საშუალო ფასი $1300-ს აღწევს, და ტენდენცია კვლავ ზრდისკენ არის მიმართული.

ბინის გაყიდვა გაძლევთ შანსს ერთბაშად მიიღოთ სოლიდური თანხა, რომელსაც შეგიძლიათ სხვა აქტივებში ან საინვესტიციო პროექტებში გამოიყენოთ. თუმცა გასათვალისწინებელია ბაზრის შესაძლო რყევები - მომავალში მსგავსი ქონების შეძენა შეიძლება გაცილებით ძვირი დაჯდეს.

რომელი სჯობს?

თუ გსურთ სტაბილური, გრძელვადიანი შემოსავალი და მზად ხართ ქონების მართვისთვის, გაქირავება საუკეთესო არჩევანია;

თუ კი გსურთ ერთჯერადი, დიდი შემოსავალი და არ გაქვთ სურვილი აქტიურად იყოთ ჩართული ქონების მართვაში, გაყიდვა უფრო ოპტიმალური გადაწყვეტილება იქნება.