ფინანსთა სამინისტრომ 50 მლნ ლარის ობლიგაციები გაყიდა - დეტალები
საქართველოს ფინანსთა სამინისტრომ, 19 აგვისტოს, 8.9-წლიანი 50 მლნ ლარის ღირებულების სახაზინო ობლიგაციები გაყიდა. ამის შესახებ „გალტ ენდ თაგარტის“ კვლევიდან ვიგებთ.
„საქართველოს ფინანსთა სამინისტრომ, 2025 წლის 19 აგვისტოს, 8.9-წლიანი 50 მლნ ლარის (18.5 მლნ აშშ დოლარის) ოდენობის სახაზინო ობლიგაციები გაყიდა.
ამასთან, მოთხოვნა 1.9-ჯერ მაღალი იყო და საშუალო შეწონილი საპროცენტო განაკვეთი წინა აუქციონთან შედარებით 0.012პპ-ით გაიზარდა და 9.747% შეადგინა.
უახლესი აუქციონი დაგეგმილია 2025 წლის 26 აგვისტოს, როცა 5.9-წლიანი 60 მლნ ლარის ნომინალური ღირებულების სახაზინო ობლიგაციები გაიყიდება“, - აღნიშნულია პუბლიკაციაში.
