თბილისის ბინის საშუალო ფასი აგვისტოში 1 341 დოლარი გახდა
2025 წლის აგვისტოში, წინა წლის იმავე პერიოდთან შედარებით, თბილისში საცხოვრებელი ბინები გაძვირდა. კერძოდ, „გალთ ენდ თაგარტის“ ბაზრის მიმოხილვის მიხედვით, წელს აგვისტოში 1 კვ.მ-ის საშუალო შეწონილი ფასი 1 341 დოლარი იყო, შარშან იმავე პერიოდში კი 1 301 დოლარი.
ამასთანავე, კვლევა აჩვენებს, რომ ფასების მატების პარალელურად, შემცირდა გაყიდვები. უფრო დეტალურად, მიმდინარე წლის აგვისტოში თბილისში 2 858 საცხოვრებელი ბინა გაიყიდა, შარშან იმავე პერიოდში კი, 3 140.
აღსანიშნავია ისიც, რომ უბნების მიხედვით აგვისტოში, დედაქალაქში საცხოვრებელი ბინების ფასი ყველაზე მაღალი მთაწმინდაზე იყო, ხოლო ყველაზე დაბალი - ვაშლიჯვარში, კერძოდ:
- მთაწმინდა - 2 943 დოლარი;
- ვაკე - 2 600 დოლარი;
- ჩუღურეთი - 2 006 დოლარი;
- საბურთალო - 1 562 დოლარი;
- კრწანისი - 1 447 დოლარი;
- ისანი - 1 288 დოლარი;
- დიდუბე - 1 346 დოლარი;
- ნაძალადევი - 1 156 დოლარი;
- სამგორი - 1 054 დოლარი;
- დიდი დიღომი - 1 060 დოლარი;
- გლდანი - 1 036 დოლარი;
- ვაშლიჯვარი - 1 011 დოლარი.
