როდის დასრულდება საგარეჯო-ბადიაურის 17 კმ-იანი მაგისტრალური გზის მშენებლობა

აგარეჯო-ბადიაურის 17 კმ-იანი მაგისტრალური გზის მშენებლობის დასრულება დაგეგმილია 2026 წელს, - ამის შესახებ „ბიზნესპრესნიუსს“ საავტომობილო გზების დეპარტამენტში განუცხადეს.

უწყების ცნობით, პროექტი მსოფლიო ბანკის მიერ ფინანსდება. სახელშეკრულებო ღირებულება 276 775 741 ლარს შეადგენს.

„საერთაშორისო მნიშვნელობის თბილისი-ბაკურციხე-ლაგოდეხის (აზერბაიჯანის რესპუბლიკის საზღვარი) საავტომობილო გზის კმ35+500 - კმ52+540 მონაკვეთის ლოტი 3 - საგარეჯოს შემოვლითი-ბადიაურის მონაკვეთის (სიგრძე - 17 კმ) მშენებლობის დასრულება დაგეგმილია 2026 წელს“, - განუცხადეს „ბიზნესპრესნიუსს“ საავტომობილო გზების დეპარტამენტში.

ინფორმაციისთვის, საგარეჯო-ბადიაურის 17 კმ-იანი მონაკვეთი კახეთის მაგისტრალური გზის ნაწილი. კახეთის მაგისტრალური გზა რამდენიმე ლოტად არის დაყოფილი, აქედან შემდეგ მონაკვეთებზე სამუშაოები დასრულებულია:

• ლოტი 0 - საერთაშორისო მნიშვნელობის თბილისი-ბაკურციხე-ლაგოდეხის (აზერბაიჯანის რესპუბლიკის საზღვარი) საავტომობილო გზის კმ0+310 - კმ4+040 მონაკვეთი - ვაზიანის შემოვლითი საავტომობილო გზის (სიგრძე - 3.6 კმ) მშენებლობა დასრულებულია და მიმდინარეობს ხელშეკრულებით გათვალისწინებული დეფექტების აღმოფხვრის პერიოდი. აღნიშნული სამუშაოების სახელშეკრულებო ღირებულება არის 70 221 612.57 ლარი და ის დაფინანსებულია სახელმწიფო ბიუჯეტით;
• ლოტი 1 - საერთაშორისო მნიშვნელობის თბილისი-ბაკურციხე-ლაგოდეხის (აზერბაიჯანის რესპუბლიკის საზღვარი) საავტომობილო გზის კმ4+040 - კმ27+840 მონაკვეთი - ვაზიანის შემოვლითი-საგარეჯოს მონაკვეთის (სიგრძე - 23.8 კმ) მშენებლობა დასრულებულია და მიმდინარეობს ხელშეკრულებით გათვალისწინებული დეფექტების აღმოფხვრის პერიოდი. აღნიშნული სამუშაოების სახელშეკრულებო ღირებულება არის 313 378 683.82 ლარი და დაფინანსებულია სახელმწიფო ბიუჯეტით;
• ლოტი 2 - საერთაშორისო მნიშვნელობის თბილისი-ბაკურციხე-ლაგოდეხის (აზერბაიჯანის რესპუბლიკის საზღვარი) საავტომობილო გზის კმ27+840 - კმ35+500 მონაკვეთი - საგარეჯოს შემოვლითი საავტომობილო გზის (სიგრძე - 7.6 კმ) მშენებლობა დასრულებულია და მიმდინარეობს ხელშეკრულებით გათვალისწინებული დეფექტების აღმოფხვრის პერიოდი. აღნიშნული სამუშაოების სახელშეკრულებო ღირებულება არის 149 902 365.13 ლარი და დაფინანსებულია სახელმწიფო ბიუჯეტით.
• საერთაშორისო მნიშვნელობის ბაკურციხე-წნორის მონაკვეთის (აღნიშნული გზის 16.6 კმ სიგრძეს ემატება შიდასახელმწიფოებრივი მნიშვნელობის ბაკურციხე - გურჯაანი (ასაქცევი) - ჩუმლაყის ს/გზის საწყისი 1.5 კმ-იანი მონაკვეთი და ჯამში შეადგენს 18 კმ-ს) მშენებლობა დასრულებულია და მიმდინარეობს ხელშეკრულებით გათვალისწინებული დეფექტების აღმოფხვრის პერიოდი. აღნიშნული სამუშაოების სახელშეკრულებო ღირებულება არის 87 857 420.53 ლარი და ის დაფინანსებულია აზიის განვითარების ბანკის მიერ (ADB).