როგორ შევარჩიოთ სანდო ლიფტების მომსახურების კომპანია?

თანამედროვე სამშენებლო პროექტი უკვე წარმოუდგენელია ლიფტის გარეშე. საიმედო ლიფტი ინფრასტრუქტურის საკვანძო ელემენტია, რომელიც პირდაპირ კავშირშია ადამიანების ცხოვრების კომფორტის დონესთან. ამიტომ სასურველია ჯერ კიდევ პროექტირების ეტაპზე სანდო პარტნიორი კომპანიის შერჩევა - ეს გრძელვადიან უსაფრთხოებასა და ხარისხში ინვესტირებაა.

სანამ გადაწყვეტილებას მიიღებთ, მნიშვნელოვანია ობიექტურად შეაფასოთ ბაზარზე არსებული ვარიანტები და სიღრმისეულად გაერკვეთ რამდენად აკმაყოფილებს პოტენციური პარტნიორი ლიფტების კომპანია მთავარ კრიტერიუმებს. ეს დაგეხმარებათ, თავიდან აირიდოთ ფინანსური თუ იურიდიული რისკები და გაძლევთ გარანტიას, რომ პროექტი კომპეტენტური პროფესიონალების ხელშია.

გაეცანით ლიფტების კომპანიის პორტფოლიოს და მის დასრულებულ პროექტებს

კომპანიის გამოცდილებაზე ყველაზე უკეთ მისი პორტფოლიო მეტყველებს. მნიშვნელოვანია, არა მხოლოდ პროექტების რაოდენობა, არამედ მათი მრავალფეროვნებაც - შესაძლოა კომპანია ბაზრის ლიდერი იყოს სტანდარტული სამგზავრო ლიფტების მონტაჟში, მაგრამ თუ კომერციულ ობიექტზე სატვირთო ან პანორამულ ლიფტების დაყენება გჭირდებათ, თქვენთვის ეს ინფორმაცია ნაკლებმნიშვნელოვანია.

კერძოდ CLC Elevator-ს 2018 წლიდან დღემდე 3000-ზე მეტი პროექტი აქვს შესრულებული როგორც კერძო, ისე საჯარო სექტორში. კომპანიას უმუშავია როგორც მსხვილ დეველოპერებთან, ისე სახელმწიფო დაწესებულებებთან (თბილისის, ბათუმისა და რუსთავის მერიები) და თავისუფლად შეუძლია დაინტერესებულ პირს ათამდე სხვადასხვა ტიპის ლიფტთან მუშაობის გამოცდილება შესთავაზოს.

რამდენად აკმაყოფილებს ლიფტების კომპანია ევროპულ სტანდარტებს და თუ აქვს საერთაშორისო სერტიფიკატები?

საერთაშორისო სერტიფიკატები კომპანიის კომპეტენციისა და სანდოობის ხელშესახები, თვალნათელი მტკიცებულებაა. ერთ-ერთი ყველაზე მნიშვნელოვანი სტანდარტი ISO 9001:2015-ია. ამ სტანდარტის დაკმაყოფილებით, კომპანია ადასტურებს, რომ ყველა ეტაპზე - პროექტირებიდან მონტაჟამდე - დანერგა ხარისხის მართვის უმკაცრესი სისტემა.

არანაკლებ მნიშვნელოვანია Module H1 სერტიფიკატი, რომელიც პირდაპირ ევროკავშირის ლიფტებისთვის განკუთვნილი დირექტივითაა განსაზღვრული. მისი ფლობა ნიშნავს, რომ კომპანიის აკრედიტებულმა ევროპულმა ორგანომ შეამოწმა სრული სისტემა (დიზაინი, მონტაჟი, ტესტირება) და ადასტურებს, რომ თითოეული დეტალი აკმაყოფილებს ევროპის უსაფრთხოების უმკაცრეს მოთხოვნებს. ეს სერტიფიკატი გარანტიაა, რომ კომპანიის დამონტაჟებული ლიფტები მაქსიმალურად უსაფრთხოა.

გაეცანით კომპანიის სერვისებს: რას გთავაზობენ და რამდენად გამჭვირვალედ?

ლიფტების კომპანიასთან თანამშრომლობა მხოლოდ ლიფტის მონტაჟით არ სრულდება. სერვისი უნდა მოიცავდეს სრულ საინჟინრო ციკლს: კონსულტაციით დაწყებული, მონტაჟით გაგრძელებული და შემდგომი ტექნიკური მხარდაჭერით დამთავრებული. ლიფტების კომპანია სრულ პასუხისმგებლობას უნდა იღებდეს პროექტის ყველა ეტაპზე (მათ შორის ბიუროკრატიული პროცესების მხრივ) და უზრუნველყოს ლიფტის გრძელვადიანი, უსაფრთხო ექსპლოატაცია.

თავად CLC Elevator-ის სერვისები ამ პრინციპზე დაყრდნობით შეიქმნა - კომპანია მომხმარებელს მონტაჟის შემდგომ 24/7-ზე ტექნიკურ დახმარებას სთავაზობს, ამასთანავე ტექნიკური გუნდი უზრუნველყოფს ყოველთვიურ ზედამხედველობას თითოეულ პროექტზე.

გაეცანით კომპანიის დამკვეთების რეალურ შეფასებას:

პორტფოლიო შეიძლება შთამბეჭდავად გამოიყურებოდეს, მაგრამ წარმატებული პარტნიორობა მინიმუმ ორ მხარეს გულისხმობს. პროექტის ფასადის მიღმა ყოველთვის დგას მომხმარებლის რეალური გამოცდილება. სანამ საბოლოო გადაწყვეტილებას მიიღებთ, დაინტერესდით, რას ამბობენ კომპანიის არსებული დამკვეთები. სანდო ლიფტების კომპანიას ყოველთვის ეყოლება კმაყოფილი დამკვეთები, რომლებიც დაადასტურებენ არა მხოლოდ სამონტაჟო სამუშაოების ხარისხს, არამედ პოზიტიურად ისაუბრებენ გრძელვადიან ტექნიკურ მომსახურებაზეც. არ აქვს მნიშვნელობა რა ტიპის ლიფტი დაამონტაჟა კომპანიამ: იქნება ეს მცირე სამზარეულოს თუ მძიმეწონიანი ტვირთისთვის განკუთვნილი სატვირთო ლიფტი, სტანდარტული სამგზავრო თუ სპეციალური საავადმყოფო მოდელი - გრძელვადიანი თანამშრომლობა მხარეებს შორის ვერ შედგება, თუ კომპანიის ტექნიკური მომსახურება არადამაკმაყოფილებელია.

ლიფტის შერჩევა კომპლექსური პროცესია, რადგან ვერტიკალური ტრანსპორტის სანდოობაზე მრავალი სიცოცხლეა დამოკიდებული. ამიტომ კონკრეტული მოდელის ტექნიკურ დეტალებზე არანაკლებ მნიშვნელოვანია ისეთი პარტნიორის პოვნა, რომელიც გრძელვადიან უსაფრთხო ექსპლოატაციას უზრუნველყოფს. კომპანია, რომელიც ამ კრიტერიუმებს არ აკმაყოფილებს ვერ იქნება თქვენი პროექტის საიმედო პარტნიორი.მრავალწლიანი გამოცდილება, საერთაშორისო სტანდარტების დაცვა და მუდმივი ტექნიკური მხარდაჭერა - სწორედ ეს არის ის, რაც CLC Elevator-ს თქვენი პროექტისთვის საიმედო პარტნიორად ხდის.