საქართველოში 9 თვეში FDI-ის მოცულობა $1.3 მლრდ-მდე გაიზარდა - TOP-ინვესტორი ქვეყნები და კომპანიები
წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობა 2025 წლის 9 თვეში 11%-ით 1 მილიარდ 296 მილიონ დოლარამდე გაიზარდა, რაც მესამე კვარტალში სავალო ვალდებულებებით გაზრდილმა FDI-იმ განაპირობა.
საქართველოს ეკონომიკისთვის ყველაზე მსხვილი ინვესტორი ქვეყანა ამ პერიოდში თურქეთი იყო, საიდანაც ჯამში 151.4 მლნ დოლარი შემოვიდა, რაც გასული წლის 9 თვის თურქულ ინვესტიციებს 41.7%-ით აღემატება. განხორციელებული FDI-ის მიხედვით, უმსხვილესი ქვეყნების ათეული ასე გამოიყურება:
- თურქეთი - $151.4 მლნ;
- აშშ - $142 მლნ;
- გაერთიანებული სამეფო - $131.9 მლნ;
- აზერბაიჯანი - $105.1 მლნ;
- მალტა - $96.9 მლნ;
- ჩეხეთი - $88.2 მლნ;
- ნიდერლანდები - $81.7 მლნ;
- ესპანეთი - $73.8 მლნ;
- რუსეთი - $56.7 მლნ;
- არაბთა გაერთიანებული საამიროები - $47.5 მლნ;
რაც შეეხება დარგებს, სადაც ამ პერიოდში ყველაზე დიდი პირდაპირი ინვესტიციები ჩაიდო, პირველ ადგილს საფინანსო და სადაზღვევო სექტორი იკავებს, სადაც FDI-ის მოცულობა 317.2 მლნ დოლარამდე გაიზარდა. 9 თვეში განხორციელებული ინვესტიციების მიხედვით, უმსხვილესი სექტორების რეიტინგი ასეთია:
- საფინანსო და სადაზღვევო - $317.2 მლნ;
- უძრავი ქონება - $165.1 მლნ;
- დამმუშავებელი მრეწველობა - $144.5 მლნ;
- ტრანსპორტი და დასაწყობება - $143.1 მლნ;
- ენერგეტიკა - $139.9 მლნ;
- IT - $105.4 მლნ;
- წყალმომარაგება, კანალიზაცია - $71.4 მლნ;
- მშენებლობა - $62.5 მლნ;
- სასტუმროები და რესტორნები - $40.8 მლნ;
- ხელოვნება, გართობა და დასვენება - $38.6 მლნ;
BMG-მ საქსტატიდან TOP-10 ინვესტორი კომპანიის შესახებ გამოითხოვა ინფორმაცია, რომლებშიც მიმდინარე წლის 9 თვეში ყველაზე მეტი პირდაპირი უცხოური ინვესტიცია განხორციელდა:
TOP-10 ინვესტორი კომპანია:
- აიდიეს ბორჯომი საქართველო, შპს აიდიეს ბორჯომი ბევერიჯიზ კომპანის საქართველოს ფილიალი
- შპს მაგთიკომი
- შპს თბილისი ენერჯი
- სს ენერგო - პრო ჯორჯია
- შპს ტავ ურბან საქართველო
- შპს სილქ როუდ გრუპ ჰოლდინგ
- შპს აკვალია საქართველო
- შპს აი ჯი დეველოფმენტ ჯორჯია
- სს ბიჯეო ჯგუფი
- შპს სოკარ მიდსთრიმ ოპერეიშენს - საქართველოს ფილიალი
