ქვეყნები, სადაც იპოთეკური სესხები ყველაზე ძვირი/იაფია - რომელ ადგილზეა საქართველო

მსოფლიოს მასშტაბით, იპოთეკური სესხი ყველაზე ძვირი არგენტინაში, ყველაზე იაფი კი იაპონიაშია - ამის შესახებ გლობალური საერთაშორისო კომპანიის Numbeo-ს მონაცემებში ვკითხულობთ.

რეიტინგის მიხედვით, იაფი იპოთეკური სესხების მიხედვით, 102 ქვეყანას შორის, საქართველო მე-20 ადგილს იკავებს, სადაც საპროცენტო განაკვეთი საშუალოდ, 12.06%-ს შეადგენს.

რაც შეეხება სამეზობლოს, იპოთეკური სესხები ყველაზე ძვირია თურქეთში, რომელიც მოცემულ რეიტინგში მე-2 ადგილზეა. Numbeo-ს დათვლებით, თურქეთში საპროცენტო განაკვეთი საშუალოდ, 42.90%-ია.

მეზობელ ქვეყნებს შორის, იპოთეკური სესხები ყველაზე იაფია აზერბაიჯანში, რომელიც 102 ქვეყანას შორის, 32-ე ადგილზე პოზიციონირებს. აზერბაიჯანში წლიური საპროცენტო განაკვეთი 9.18%-ითაა განსაზღვრული.

უფრო კონკრეტულად, იპოთეკურ სესხებზე წლიური საპროცენტო განაკვეთი საქართველოს მეზობელ ქვეყნებში, ასეთია:

• თურქეთი - მე-2 ადგილი (42.90%);
• რუსეთი - მე-7 ადგილი (18.39%);
• სომხეთი - მე-14 ადგილი (15.22%);
• საქართველო - მე-20 ადგილი (12.06%);
• აზერბაიჯანი - 32-ე ადგილი (9.18%).

ამასთანავე, "ბიზნესპრენიუსი" გთავაზობთ TOP10 ქვეყანას მსოფლიოში, სადაც NUMBEO-ს მიხედვით, იპოთეკური სესხები ყველაზე ძვირია:

• არგენტინა;
• თურქეთი;
• უზბეკეთი;
• ირანი;
• ვენესუელა;
• ყაზახეთი;
• რუსეთი;
• ნიგერია;
• ეგვიპტე;
• უკრაინა;

10 ქვეყანა კი, სადაც სესხები ყველაზე იაფია, ასე გამოიყურება:

• იაპონია;
• შვეიცარია;
• ტაივანი;
• სინგაპური;
• ბულგარეთი;
• ესპანეთი;
• ლუქსემბურგი;
• ავსტრია;
• ბელგია;
• ჩინეთი.