კერძო სახლები გაძვირდა - როგორია ფასები თბილისში უბნების მიხედვით
2026 წლის მეორე კვარტალში, წინა კვარტალთან შედარებით, თბილისში კერძო სახლების ფასი 0.9%-ით გაიზარდა, - ამის შესახებ აღნიშნულია სტატისტიკის ეროვნული სამსახურის ანგარიშში.
რაც შეეხება წლიურ ზრდას, გასული წლის მეორე კვარტალთან შედარებით კერძო სახლების ფასი 5.5%-ით არის გაზრდილი.
როგორია კერძო სახლების ფასი თბილისის უბნების მიხედვით
აღსანიშნავია, რომ უბნების მიხედვით ფასები ყველაზე მაღალი ვაკეში, ხოლო ყველაზე დაბალი ნაძალადევში იყო. კერძოდ, ვაკეში 1 კვ.მ-ის ფასი 4 656 ლარს, ხოლო ნაძალადევში 2 778 ლარი შეადგინა.
უფრო კონკრეტულად, 2026 წლის მეორე კვარტალში თბილისის უბნების მიხედვით 1 კვ.მ-ის ფასი ასეთი იყო:
- ვაკე - 4 656 ლარი;
- მთაწმინდა - 4 409 ლარი;
- ჩუღურეთი - 3 524 ლარი;
- საბურთალო - 3 510 ლარი;
- დიდუბე - 3 477 ლარი;
- ისანი - 3 268 ლარი;
- სამგორი - 2 992 ლარი;
- კრწანისი - 2 926 ლარი;
- გლდანი - 2 811 ლარი;
- ნაძალადევი - 2 778 ლარი.
