ბელგიაში ტერაქტის მოწყობის ბრალდებით 12 პირი დააკავეს
მასშტაბური ანტიტერორისტული ოპერაცია ჩატარდა ბელგიაში. სამართალდამცველებმა ბრიუსელსა და კიდევ რამდენიმე ქალაქში 40 საცხოვრებელი სახლი და 150-მდე ავტოფარეხი გაჩხრიკეს.
რეიდების დროს დაკითხეს 40-მდე ეჭვმიტანილიც, რომელთაგანაც 12 ტერორიზმთან კავშირის ბრალდებით დააკავეს.
რამდენიმე დღის წინ მედიით გავრცელდა ინფორმაცია, რომ ბელგიასა და საფრანგეთში ტერაქტების ახალი სერია იგეგმებოდა, თუმცა ჯერ-ჯერობით უცნობია, უკავშირდება თუ არა ბელგიაში წუხელ ჩატარებული სპეცოპერაციები ამ საფრთხეს.
