ცესკოს შემაჯამებელ ოქმს სამი პარტიის წარმომადგენელმა ხელი არ მოაწერა
საარჩევნო პროცესში გამოვლენილ დარღვევებზე რეაგირებას არასამთავრობო ორგანიზაციები ამ დრომდე ელოდებიან. საუბარია რამდენიმე უბანზე დაფიქსირებული ფაქტების შესახებ, რაზეც ვიდეო მასალა მედიაში, რამდენიმე დღის წინ გავრცელდა. გადაცდომებზე მიუთითებენ თავად ცენტრალური საარჩევნო კომისიის წევრებიც, რომელთა ნაწილმაც ცესკოს შემაჯამებელ ოქმს გუშინ ხელი არ მოაწერა.
ცესკოს სამმა წევრმა არ მოაწერა ხელი შემაჯამებელ ოქმს. ესენი არიან: ნაციონალური მოძრაობის, ბურჯანაძე-დემოკრატიული მოძრაობის და ასევე მრეწველების წარმომადგენლები.
