კომერციულ ბანკებში 1 დოლარი 2,4350 ლარი ღირს
ლარი გაუფასურებას განაგრძობს. ეროვნული ბანკის ინფორმაციით, დღეს ბანკთაშორის გამართული ვაჭრობის შედეგად 1 აშშ დოლარის ოფიციალური კურსი 2.3888 ლარით განისაზღვრა. გუშინ დადგენილი ოფიციალური კურსით კი 1 აშშ დოლარი 2.3803 იყო, რაც იმას ნიშნავს, რომ ლარი აშშ დოლართან მიმართებაში 0.0085 პუნქტით გაუფასურდა.
ლარი ევროსთან მიმართებაშიც გაუფასურდა. 1 ევრო დღეიდან 2,5983 ლარი ღირს მაშინ, როდესაც გუშინ განსაზღვრული ოფიციალური კურსის თანახმად, 1 ევრო 2,5919 ლარი იყო.
კომერციულ ბანკებში კი კურსი გაცილებით მაღალია და 1 აშშ დოლარი, საშუალოდ, 2.4350 ლარი ღირს.
