შენგან ბოძებული
ჩუმად მომადგა მაისის წვიმა
და დამისველა გრძნობა მტირალი
შავმა ღრუბელმა პირი შეიკრა
და ელვა დასცა უცხოდ მყვირალი
შენ შეგიძლია დარი მოჰფინო
და ააყვავო ისევ ბუნება
შენ შეგიძლია გრძნობა გაათბო
გამომიკეთო ისევ გუნება
დაატყო შენი უცხო სურნელი
ჩრდილში დამარხულ ყვითელ გვირილებს
ვიცი ყველაფერს იგი დასძალავს
მაგრამ არ ვიცი მე რას მიპირებს
დავარქმევ ამ ლექსს „შენგან ბოძებულს“
და ვიტყვი რომ ეს სიზმარში ვნახე
ანგელოზები ირგვლივ დაჰფრენდნენ
ანგელოზებში შენც დაგინახე...
წყარო: poezia.in
