ვალუტის გადამცვლელ ჯიხურებში ლარის კურსი 2.43-ია
2.41 - ეროვნულმა ბანკმა 7 თვის განმალობაში ლარის ყველაზე დაბალი კურსი დააფიქსირა. ვალუტის გადამცვლელ ჯიხურებში კი ეროვნული ვალუტის ღირებულება 2.43-ია. მხოლოდ ბოლო კვირაში ლარის კურსი უკვე 5 პუნქტით გაუფასურდა.
ოპოზიციაში აცხადებენ, რომ ლარზე გავლენას არასწორი ეკონომიკური პოლიტიკა ახდენს. ნაციონალურ მოძრაობაში დღევანდელი ხელისუფლების პირობებში ეროვნული ვალუტის გამყარებას არ ელოდებიან. ოპოზიციის წევრები ეროვნული ბანკის პოლიტიკასაც აკრიტიკებენ.
„ეროვნულ ბანკს ფინანასთა სამინისტროს დადანაშაულება არ უნდა,“- განაცხადა რომან გოცირიძემ.
ქართული ოცნების პოლიტსაბჭოს წევრის, დავით კოღუაშვილის თქმით კი, ლარის კურსს განსაკუთრებული რყევა არ ემუქრება.
