რიტუალური მკვლელობა - შსს-ს პირველი კომენტარი
შსს თბილისში მომხდარ საზარელ მკვლელობას გამოეხმაურა. უწყებაში აცხადებენ, რომ გარდაცვლილის ქალიშვილმა ირმა ყ-მ თანამზრახველებთან ერთად საკუთარი დედა ჯერ ელექტროშოკით გაგუდა, შემდეგ მას დანა ჩაარტყა და მოკლა. ცხედარი გადაიტანეს დანაშაულის ერთ-ერთი მონაწილის, ბექა შ-ს ბინაში, სადაც გვამის დანაწევრება მოხდა. შსს-ში აცხადებენ, რომ იმავე საღამოს მოკლული ქალბატონის ცხედარი გლდანის ნაგავსაყრელზე წაიღეს, ბენზინი დაასხეს და დაწვეს.
ამოღებული მტკიცებულებების საფუძველზე უწყება აცხადებს, რომ ეს იყო რიტუალური მკვლელობა. დანაშაულის ჩადენისთვის შსს-მ და პროკურატურამ ერთობლივი ღონისძიებების ჩატარების შედეგად სულ 5 პირი დააკავა:
1997 წელს დაბადებული ირმა ყ. 1993 წელს დაბადებული ბექა შ. და 1999 წელს დაბადებული ნინა ჩ. დამამძიმებელ გარემოებაში ჯგუფურად ჩადენილი განზრახ მკვლელობისთვის, ხოლო 1994 წელს დაბადებული ავთანდილ ა. და 1993 წელს დაბადებული დათა კ. ამავე მკვლელობის შუტყობინებლობისა და მკვლელობის დაფარვის ბრალდებით აიყვანეს.
მოკლული ქალბატონი 2016 წლის 19 ოქტომბრიდან იძებნებოდა. შეგახსენებთ, რომ შემთხვევა თბილისის ერთ-ერთ გარეუბანში მოხდა, სადაც ნაგავსაყრელზე შუა ხნის ქალბატონის ფერფლი აღმოაჩინეს.
rustavi2.com
