ლარი გაუფასურებას განაგრძობს
საქართველოს ეროვნული ვალუტა დღეს ისევ გაუფასურდა, ბანკთაშორის სავალუტო ბირჟაზე ვაჭრობის შედეგად, ეროვნულმა ბანკმა ლარის ახალი გაცვლითი კურსი დაადგინა. დღეს ერთი ამერიკული დოლარის ღირებულება 2.4516 ლარია, ერთი ევრო კი 2.7198 ლარი ღირს.
ბოლო 24 საათის განმავლობაში ლარი დოლართან მიმართებაში 0.0145 ერთეულით, ევროსთან მიმართებაში კი 0.0171 ერთეულით გაუფასურდა.
კომერციულ ბანკებში ერთი ამერიკული დოლარის ღირებულება 2 ლარი და 47 თეთრია, ევრო კი 2.77 ლარი ღირს.
