ყველაზე აქტიური ფეხბურთელი - სანდრო კობახიძე ორმა საიტმა ტურის სიმბოლურში შეიყვანა
სანდრო კობახიძის "ვორსკლა" კიევის "დინამოს" 2:2 დაუზავდა. ქართველს ამ შეხვედრაში კარგი თამაში დაუფასდა და ერთდროულად ორი ვერსიით მოხვდა უკრაინის პრემიერლიგის მე-17 ტურის სიმბოლურ ნაკრებში.
football.ua შემდეგს წერს: "ვორსკლას" გამოცდილი და სწრაფი ნახევარმცველი მუდამ ამწვავებდა თამაშს, მიუხედავად იმისა, რომ საშინელი მოედანი იყო.
სანდრო რეიდებს აწყობდა, როგორც ფლანგებზე, ისე ცენტრში, რომლებიც მწვავე პასებით სრულდებოდა. ამ საღამოს კობახიძეს ყველაფერი გამოსდიოდა, მას უბრალოდ ვერ ეწეოდნენ და ვერც ბურთს ართმევდნენ".
ua-football.com: "უკრაინის ჩემპიონის კარში გოლის გატანა მან ვერ შეძლო, ერთხელ გოლი მინიმალური ოფსაიდისთვის გაუუქმეს, მაგრამ მან დატოვა ტურში ყველაზე აქტიური ფეხბურთელის შთაბეჭდილება. ერთი გოლიც მის აქტიურობას მოჰყვა".
წყარო: sportall.ge
