ლარი 4 თეთრით გაუფასურდა
ლარი 4 თეთრზე მეტით გაუფასურდა. ეროვნულმა ბანკმა ახალი გაცვლითი კურსი განსაზღვრა, რომლის თანახმად, 1 აშშ დოლარის ღირებულება 2.7831 ლარით განისაზღვრა, რაც წინა მაჩვენებელზე 0.0419 ლარით მეტია.
ლარი გაუფასურდა ევროსთან მიმართებაში და 1 ევრო 2.8902 ლარი გახდა მაშინ, როცა ახალი კურსის დადგენამდე 1 ევრო 2.8615 ლარი ღირდა.
გაცილებით მაღალი კურსია კომერციულ ბანკებსა და ვალუტის გადამცვლელ პუნქტებში. ამ დროის მონაცემებით, TBC ბანკში 1 აშშ დოლარი 2.81 ლარი ღირს. საქართველოს ბანკში - 2.84 ლარი, ბენკ რესპუბლიკაში - 2.81 ლარი, ლიბერთი ბანკში კი 2.835 ლარია.
