უკრაინა თავისიანებს არ აბარებს, მათ შორის - უკრაინის გენერალური პროკურორი
"როგორც შეგპირდით - გია ცერცვაძე თავისუფალია. უკრაინა თავისიანებს არ აბარებს, მათ შორის, როცა თავისიანი ქართველია," - ეს განცხადება უკრაინის გენერალურმა პროკურორმა facebook-ის საკუთარ გვერდზე, გია ცერცვაძის გათავისუფლებამდე განათავსა.
უკრაინული მედიის ინფორმაციით, რაიონული სასამართლოს გადაწყვეტილების შესახებ ადვოკატის საჩივარს სააპელაციო სასამართლო 3 თებერვალს განიხილავს. გია ცერცვაძე 17 იანვარს დააკავეს, როცა ის საქართველოდან უკრაინაში ჩაფრინდა.
2008 წლის ომისა და უკრაინის კონფლიქტის მონაწილე სამხედროს რუსეთი ინტერპოლით ეძებდა და მის ექსტრადიციას ითხოვდა.
