მიხეილ ჯანელიძე ნატო-ს სამიტზე საქართველოს არდასწრების საკითხზე საუბრობს
საგარეო საქმეთა მინისტრის განცხადებით, საქართველოს პარტნიორობა ჩრდილოატლანტიკურ ალიანსთან ძალიან მჭიდროა და ნატო-ს მოახლოებულ სამიტზე ქართული მხარე მხოლოდ იმიტომ არ მიემგზავრება, რომ ფორმატის მიხედვით, სამიტში მხოლოდ წევრი ქვეყნები მიიღებენ მონაწილეობას.
მიხეილ ჯანელიძე ამბობს, რომ ოპოზიციისა და არასამთავრობო ორგანიზაციების მხრიდან ატეხილი აჟიოტაჟი სრულიად უსაფუძვლოა, რადგან საქართველო ნატო-სთან თანამშრომლობის ყველა ფორმატში აქტიურადაა ჩართული.
