პედოფილია და გარყვნილი ქმედება არასრულწლოვანი გოგონას მიმართ
ბორჯომ-ბაკურიანის ორად გახლეჩილ ეპარქიაში მრევლის ერთი ნაწილი მიტროპოლიტ სერაფიმეს დაუყოვნებლივ დაბრუნებას მოითხოვს, მეორე ნაწილი კი მღვდელმსახურს საშინელ დანაშაულში სდებს ბრალს: პედოფილია, გარყვნილი ქმედება არასრულწლოვანი გოგონას მიმართ.
სერაფიმე ჯოჯუამ საეპარქიო თანამდებობა პირველი ჭორის გაჩენისთანავე დატოვა. მრევლისთვის არაფერი აუხსნია. ჭორად დღეს უკვე ყველას გაუგია ერთი, ან რამდენიმე ვერსია, რომელ გოგონას რა მესიჯი მიუვიდა სერაფიმე ჯოჯუას ტელეფონიდან და ვისთან რა ურთიერთობა ჰქონდა.
პოსტკრიპტუმმა მოიპოვა წერილი, რომელიც, ჩვენი ინფორმაციით დაზარალებული გოგონას დედამ სინოდის წევრებს დაუგზავნა და საპატრიარქოში საკუთარი ხელით მიიტანა. წერილში დედა წმინდა სინოდს ფაქტის გამოძიებს სთხოვს და ამბობს, რომ ეშინია მისი 15 წლის შვილმა ამხელა სტრესის ფონზე თვითმკვლელობა არ სცადოს.
