გიორგი მაკარიძე პორტუგალიის თასის გამარჯვებულია
დღეს, 29 იანვარს, პორტუგალიის თასის ფინალი გაიმართა, სადაც ერთმანეთს "მორეირენშე" და "ბრაგა" დაუპირისპირდნენ.
სუპერთასის მფლობელი, საბოლოოდ, გიორგი მაკარიძის "მორეირენშე" გახდა, რომელმაც მეტოქე მინიმალური ანგარიშით დაამარცხა - 1:0. მაკარიძე ძირითად შემადგენლობაში იყო და საკუთარი გუნდის კარი მატჩის ბოლომდე დაიცვა, შეხვედრაში გასული ერთადერთი გოლი კი პირველი ტაიმის მიწურულს გავიდა, ისიც - პენალტით.
შეგახსენებთ, რომ ფინალამდე "მორეირენშემ" ტურნირიდან "პორტუ" და "ბენფიკა" გამოთიშა და ეს ქართველი მეკარის გარჯის წყალობით მოახერხა.
წყარო: sportall.ge