"როდესაც ყველასთვის ცნობილი იქნება როგორ აღმოჩნდა იარაღი მამა გიორგისთან, ეს ნათელ სურათს წარმოაჩენს"
"როდესაც ყველასთვის ცნობილი იქნება, როგორ მოახერხეს, რომ მამა გიორგისთან ეს იარაღი აღმოჩნდა, ეს უკვე ძალიან ნათელ სურათს წარმოაჩენს,"- ეს განცხადება, მკვლელობის მომზადების ბრალდებით დაკავებული დეკანოზის ადვოკატმა მიხეილ რამიშვილმა გააკეთა.
მამა გიორგი მამალაძის უფლებადამცველმა მისი დაცვის ქვეშ მყოფის მონახულების შემდეგ, ჟურნალისტებთან სისხლის სამართლის საქმის დეტალებზეც ისაუბრა.
მიხეილ რამიშვილის განცხადებით, ბრალდებული მისთვის წარდგენილ ბრალს არ ეთანხმება. ის აპირებს გამოძიებას მიაწოდოს ინფორმაცია იმის შესახებ, თუ როგორ მოხვდა მის სახლში ცეცხლსასროლი იარაღი. რამიშვილი ამბობს, რომ იარაღი გიორგი მამალაძეს არ ეკუთვნოდა.
