პარლამენტში 7 აპრილს დაგეგმილი სიტყვით გამოსვლისთვის პრეზიდენტი ნებისმიერი ფორმატისთვის მზადაა
პრეზიდენტის ადმინისტრაციაში აცხადებენ, რომ პარლამენტში 7 აპრილს დაგეგმილი სიტყვით გამოსვლისთვის პრეზიდენტი ნებისმიერი ფორმატისთვის მზადაა. დღეს პრეზიდენტის ადმინისტრაციაში დადებითად შეაფასეს პრემიერის სურვილი, რომ დაესწრება გიორგი მარგველაშვილის ყოველწლიურ ანგარიშს.
საქართველოს პრეზიდენტის მრჩეველი პოლიტიკურ საკითხებში, ფიქრია ჩიხრაძე აღნიშნავს, რომ პრეზიდენტი პარლამენტში სიტყვით გამოსვლისას ქვეყანაში არსებულ მნიშვნელოვან საკითხებზე ისაუბრებს.