ფეხბურთელი ვლადიმერ ბარქაია 85 წლის ასაკში გარდაიცვალა

ქარ­თვე­ლი ფეხ­ბურ­თე­ლი, თბი­ლი­სის "დი­ნა­მოს“ ე.წ. ოქ­როს თა­ო­ბის წარ­მო­მად­გე­ნე­ლი, თავ­დამ­სხმე­ლი, საბ­ჭო­თა კავ­ში­რის სა­ფეხ­ბურ­თო ნაკ­რე­ბის წევ­რი და საბ­ჭო­თა კავ­ში­რის სპორ­ტის ოს­ტა­ტი, სა­ქარ­თვე­ლოს სპორ­ტის რა­ინ­დი ვლა­დი­მერ "სი­ო­მა“ ბარ­ქა­ია 85 წლის ასაკ­ში გარ­და­იც­ვა­ლა.

ვლადიმერ ბარქაია 1937 წლის 29 ივლისს გაგრაში დაიბადა. თბილისის "დინამომდე" იცავდა აფხაზეთის საფეხბურთო ნაკრების, ხოლო შემდეგ გაგრის "ბურევესტნიკის" ღირსებას. ამ კლუბში აფხაზეთის ჩემპიონი გახდა და საქართველოს ჩემპიონატის მეორე ჯგუფში ითამაშა.

ბარქაიას დებიუტი საბჭოთა კავშირის ნაკრებში 1965 წლის 27 ივნისს 1966 წლის მსოფლიო საფეხბურთო ჩემპიონატის საკვალიფიკაციო მატჩში დანიის წინააღმდეგ შედგა და 2 გოლის გატანა მოახერხა. ასევე ჩაატარა ამხანაგური მატჩი ბრაზილიის წინააღმდეგ, რომლის რიგებში პელე თამაშობდა.

ვლადიმერ ბარქაია თბილისის "დინამოში" 1957-67 წლებში თამაშობდა. იყო 1964 წლის 18 ნოემბრის "ოქროს მატჩის" მონაწილე და საბჭოთა კავშირის ჩემპიონი, 1959 და 1962 წლებში ბრინჯაოსპრიზიორი გახდა, ხოლო 1960 წელს საბჭოთა კავშირის თასის ფინალში ითამაშა.

2014 წელს, საქართველოს სპორტისა და ახალგაზრდობის საქმეთა სამინისტროს გადაწყვეტილებით, ვლადიმერ ბარქაიას საქართველოს სპორტის რაინდის წოდება მიენიჭა.