პუტინს სურდა უკრაინის აღება და ჩვენი გაყოფა. ის აშკარად წარუმატებელი აღმოჩნდა - ნატო-მ და ევროკავშირმა თანამშრომლობის დეკლარაციას მოაწერეს ხელი
პრეზიდენტ პუტინს სურდა უკრაინის აღება რამდენიმე დღეში და ჩვენი გაყოფა. ორივე კუთხით ის აშკარად წარუმატებელი აღმოჩნდა, - ამის შესახებ ნატო-ს გენერალურმა მდივანმა, იენს სტოლტენბერგმა ევროკომისიისა და ევროსაბჭოს პრეზიდენტებთან შეხვედრაზე განაცხადა, სადაც მხარეებმა თანამშრომლობის შესახებ დეკლარაციას მოაწერეს ხელი.
ხელმოწერის ცერემონია ბრიუსელში, ნატო-ს შტაბ-ბინაში გაიმართა.
იენს სტოლტენბერგმა ხელმოწერის დროს გამართულ პრესკონფერენციაზე განაცხადა, რომ რუსეთის უკრაინაში შეჭრის გამო ალიანსის ევროკავშირთან თანამშრომლობა ასეთი მნიშვნელოვანი არასდროს ყოფილა.
„ჩვენ მოწოდებული ვართ, ნატო-სა და ევროკავშირს შორის პარტნიორობა შემდგომ დონეზე ავიყვანოთ“, - აღნიშნა სტოლტენბერგმა.