მერიის თანამშრომელს ხე დაეცა - რა მოხდა ფოთში?
ფოთში ძლიერი ქარის შედეგად მერიის პრესსამსახურის თანამშრომელი ახალგაზრდა ქალი დაშავდა.
მას ხის დიდი ტოტი დაეცა. შემთხვევა მაშინ მოხდა, როცა ის ფოტოებს იღებდა. ფოტოგადაღების დროს, ხე წაიქცა და დაშავებული ტოტებს შორის მოყვა.
ახალგაზრდა ქალი, რომელსაც მრავლობითი მოტეხილობები აღენიშნება, ფოთის ევექსის კლინიკიდან ქუთაისის რეფერალურ ჰოსპიტალში გადაიყვანეს.
მისი მდგომარეობა სტაბილურია.
